Домог түүхийн цэнхэр нутаг

Өвөрхангай аймгий Уянга сумын Улаанбаатар хотод сурч ажиллаж буй оюутан залуучуудын дунд зохиогдсон шилжин явах цомын төлөөх сагсан бөмбөгийн тэмцээн 2011 оны 10 сарын 30-ны өдөр амжилттай болж өндөрлөлөө. Монгол Улсын Багшийн их сургууль /МУБИС-Е байр/-н спортын зааланд болсон тэмцээнийг Уянга сумын оюутан залуусын холбоо амжилттай зохион байгуулж, уг тэмцээнд нийт 15 баг тамирчид оролцосноос эрэгтэй 10-н баг, эмэгтэй 5-н баг авхаалж самбаа ур чадвараа дайчлан оролцлоо. Тэмцээний эрэгтэй багаас нэгдүгээр байрт Батсайхан ахлагчтай 2009 оны төгсөлтийн баг тамирчид, хоёрдугаар байранд Банзарагч ахлагчтай 2010 оны төгсөлтийн баг тамирчид, гуравдугаар байранд Охинтогтох ахлагчтай 2008 оны төгсөлтийн баг тамирчид орлоо. Эмэгтэй баг тамирчдаас нэгдүгээр байранд Оюунхүү ахлагчтай 2009 оны төгсөлтийн баг тамирчид, хоёрдугаар байранд Эрдэнэтуяа ахлагчтай 2011 оны төгсөлтийн баг тамирчид, гуравдугаар байранд Cосорбурам ахлагчтай 2009 оны төгсөлтийн баг тамирчид тус тус буухиалжээ. Мөн сумын нийт оюутан залуучуудын дунд "3 онооны шидэлтийн тэмцээн " болж нийт 32 оюутан залуус оролцосноос ШУТИС ийн оюутан Б.Манал эмэгтэйчүүдээс МУБИС ийн оюутан Б.Оюундарь нар тэргүүн байрын эзэд боллоо. Нийлбэр дүнгээр Батсайхан ахлагчтай 2009 оны төгсөгчид шилжин явах цомын эзэд болсон юм. Нутгаа гэх сэтгэлтэй оюутан залуучуудын дунд болсон энэхүү тэмцээнийг Уянга сумын засаг даргын тамгын газар болон Улаанбаатар хот дахь нутгийн зөвлөлийн гишүүн МУБИС-ийн Сургуулийн өмнөх боловсролын сургуулийн Сургалт судалгааны албаны менежер Жигмэд багш ивээн тэтгэлээ.